Balitang Espesyal——–Mabakae sa Spain sa balor nga $14,000 dollars ro pinakamahae nga hamon sa bilog nga kalibutan.
Raya hay sangka tradisyunal nga Iberian ham.
Suno kay Julio Revilla, President it Sierra Mayor Jabugo ro hamon hay ginhimo sandig sa striktong abiso it nagbakae .
Raya hay nabakae it sangka Hapon sa balor nga $14,100 dollars.
Obra ro hamon halin sa Iberian pig nga daywang dag-on nga naga-istar sa nabukid nga parte it Sierra mayor.
Kinahangean pa raya nga magtimbang it 100 kilo pinaagi sa pagpakaon it acorn ag tinuea.
Nagbuhay ro curing period it limang dag-on nga doble ro kabuhay sa ibang premium ham.
May timbang nga limang kilo ro ginpadaea sa Hapon nga nagbakae kara ko nagtaliwan nga buean .
Naangkon man it nakabakae ro Guinness Record certificate para sa titulong “Most Expensive Piece of Ham in the World.”
