Umani ng kontrobersiya ang auction ng pinakamalaking Martian meteorite na natagpuan sa Earth matapos itong maibenta sa halagang $5.3 milyon o humigit-kumulang ₱298 milyon sa Sotheby’s New York.
Natuklasan noong Nobyembre 2023 sa Sahara Desert sa Niger, ang 25-kilogram na bato ay itinuturing na pinakamalaki sa uri nito.
Ngunit iginiit ng pamahalaan ng Niger na posibleng sangkot ito sa “iligal na international trafficking” at agad na sinuspinde ang pag-export ng mga mamahaling bato at meteorite.
Mariin namang itinanggi ng Sotheby’s ang akusasyon at sinabing dumaan sa wastong proseso ang paglabas ng meteorite mula Niger.
Gayunman, nagsasagawa na sila ng sariling pagsusuri kaugnay ng isyu.
Para kay American paleontologist Paul Sereno, malinaw na iligal na nailabas ang meteorite.
Aniya, “Kung nahuli nila sa ere, pwede pa.
Pero bumagsak ito sa Niger—kaya pag-aari ito ng Niger.”
