Sangka mangunguma sa Brazil ro nakabaton it Guinness World Record bangud nga makit-an sa anang bukid ro pinakamataas nga puno it kapaya sa bilog nga kalibutan.
Ko 2021, nataeupangdan ni Tarcisio Foltz nga bukon eon it ordinary ro kataason it sangka puno it kapaya sa anang farm sa Nova Aurora.
Gamit ro drone it anang amigo , ginsukat nanda ro puno ag natukiban nanda nga may sukat raya nga 47 feet.
Kkapareho ro kataason kara sa sangka building nga may ap-at nga panaegan.
Kat masayuran nanda ro kataason kara, nagbo-oe sanda it mga magasukat agud nga isumite sa Guinness World Records committee.
Ro opisyal nga sukat it puno hay 47 feet and 8.83 inches.
Ginpierde kara ro previous record holder halin sa India nga may kataason nga 46 feet.
Eubus ro kalipay ni Foltz nga naeakip ro anang pangaean sa Guinness Book of World Records ag excited eon imaw nga mapabugae raya sa anang mga unga ag mga apo.
