KALIBO, Aklan — Sangka 45-anyos nga misis ro pinakaunang biktima it nagtaeang nga bala sa pagsugaeaw sa Bag-ong dag-un sa probinsiya it Aklan.
Gin kilaea ro biktima nga si Nolly Ursua, residente it Brgy. Bil-is, Buruanga, Aklan.
Suno sa misis nga maga katueog konta sandang magpamilya pagkatapos it selebrasyon kat gulping makabatyag it pagmanhid it anang tuo nga hita ag nadiskubreng inigu imaw it nagtaeang nga bala.
Nakita man nga gabot ro atup it andang baeay nga inagyan it bala.
Sa pihak nga parte, pito eon ro nailistang biktima it paeupok kun siin kaabuan hay mga eaeaki bangud sa paggamit it whistle bomb ag kwitis.
Samtang, patay eon kat makaabot sa Aklan Provincial Hospital ro biktima it stabbing incident samtang sa kritikal nga kundisyon ro anang amigo.
Pilang vehicular accident man ro nailista kadunghan it pagsugaeaw sa Bag-ong dag-un.
