KALIBO, Aklan—Napili bilang flag bearer sa closing ceremony it Tokyo Olympics si Filipino boxing featherweight silver medalist Nesthy Petecio.
Ginpahayag ni Philippine Olympic Committee president Abraham “Bambol” Tolentino nga napili si Petecio bilang kauna-unahang babayeng medalist sa patag it boxing.
Makaibahan kara nga maga-parada sa closing ceremony sanday flyweight Irish Magno, silver medalist flyweight boxer Carlo Paalam ag middleweight bronze medalist Eumir Felix Marcial.
Mag-eowas sa mga boksingero ag mga opisyal it POC makaibahan man sa closing ceremony si skateboarding president Carl Sambrano.
Pagahiwaton ro closing ceremony sa Tokyo Naitonal Stadium kung siin owa it mga audience nga ginapasugtan bangud sa naexperiensyahan nga COVID-19 pandemic.
