Ginpasugtan eon it Philippine Fencing Association (PFA) ro paghalin it nationalities si Maxine Esteban.
Nagdesider ro world number 84 nga irepresenta eon lang ro Ivory Coast sa kan anang pagsabak para makaboue it spot sa 2024 Paris Olympics.
Nagsueat eon si PFA president Richard Gomez sa International Fencing Federation para aprubahan ro paghalin ag nagpasa eon man sanda it petisyon para i-waive ro three-year residency rule kay Esteban.
Suno kay Gomez nga suportado nanda ro desisyon ni Esteban para makuhit nana ro handom sa Olympics.
Ro atleta nga maghalin sa Ateneo hay may unang career-high ranking nga 62 nga pinakamataas nga ranking nga naabot it sangka Pinoy fencer.
Imaw ro pinaka-ulihing Filipino athlete nga naging naturalized players it ibang nasyon nga ro iba hay sanday Yuka Saso it golf, Jaja Santiago sa volleyball atgsi chess star Wesley So.
