Sambilog si Bombo International Correspondent Ma. Edsel Lamparero-Lopez it Espanya ro magiging representante it Pilipinas sa Belleza International beauty pageant 2023 nga pagahiwaton sa Madrid, Spain.
Suno kana nga magapasakop imaw sa kategoryang Senior Belleza International kaibahan ro teen-ager nga tumandok it Iloilo para mat-a sa Miss Teen Belleza.}
Ginpahayag pa nga tatlo kunta sanda nga pinay nga magasabak sa beauty contest apang ro dinapuan it sakit ro sambilog para sa Miss Belleza nga category rason nga raya hay nag-back-out.
Dugang pa ni Lopez nga raya ro kauna-unahan nga kahigayunan nga ginpasugtan it organizer nga makapasakop ro Pilipinas nga kaeabanan nga gina-intrahan it mga nasyon nga halin sa Latin-America ag Spain.
Ginbase ro pagpili sa mga contestants sa andang kasikatan sa social media ukon maabu nga followers ag may background sa beauty contest.
Si Lopez hay sambilog sa may maabu nga followers sa Madrid facebook page.
Angot kara, nag apela imaw sa mga kaparehong pinoy nga suportahan ro anang journey pinaagi sa pag-click sa anang Seniora Belleza tiktok video ag i-like ukon i-heart raya agud nga makabo-oe it puntos.
Ro may maabung puntos hay posibleng maeakip sa top 5.
Ro nasambit nga video hay naka post sa anang FB page nga sikat sa Madrid.
Ginpasiguro man nana nga makasueod imaw sa top 3 it pageant bangud sa mainit nga suporta kana.
Ro coronation night hay pagahiwaton sa Abril 30, 2023.
