Sangka Pinay ro kaibahan sa “Stranger Things: Season 4” nga sa makaron hay makabig nga global number 1 show it Netflix.
Raya hay ro 13-year-old Filipino-American singer-actress nga si Chloe Adona bilang si Nine (009) nga sambilog sa mga test subjects it Hawkins Lab.
Suno kay Adona thankful gid imaw matapos nga maging kaparte it pinakapopolar nga show sa makaron sa kalibutan, ag owa na man sigon gina huna-huna nga makatrabaho nana ro main cast nga sanday Millie Bobby Brown, Matthew Modine ag Jamie Campbell.
Dugang pa it aktres, nga asta makaron mingko indi imaw makapati nga kaparte imaw it nasambit nga show ag naga enjoy gid sigon imaw sa anang mga kaibahan sa trabaho.
Mabahoe man ro pagapsaeamat ni Adona sa tanan nga Pinoy nga nagpaabot it suporta kana.
Sa pihak nga parte, gin-imbita man ni Adona ro mga Pinoy fans nga tutukan ro kaabang-abang nga Volume 2 it “Stranger Things: Season 4” sa Hulyo 1.
