Pinoy boxer Aston Palicte, ginpyerde it kaengwentrong Australian pinaagi it stoppage sa 3rd round

Nakaangkon eoman it stoppage loss ro world title challenger nga si Aston Palicte kontra kay Jason Moloney.

Ro hamang hay ginpatigayon sa Marvel Stadium sa Melbourne, Australia.

Naging agresibo pa sa unang round ro 31-year-old nga si Palicte ag nagbuhi pa it pilang right uppercut.

Ginbag-o ni Moloney ro tempo sa round two ag nakabawi pinaagi sa mga tueop sa ueo ag eawas.

Nagasukoe pa si Palicte sa mga masunod nga round apang nakasamit it short right hand halin sa Australian nga rason it anang pagkatumba sa canvas.

Bangud sa pagdaog, nagnami pa ro professional boxing record ni Moloney nga 24-2 nga may 19 knockouts.

Ro Pinoy mat-a hay ginabuytan ro record nga 28-5-1 ag may 23 knockouts.