OLYMPIC Update—Naka-secure eon it bronze medal ro Pinoy boxer nga si Carlo Paalam.
Raya hay matapos nga ginpyerdi ni Paalam sa quarterfinals it Men’s Flyweight ro defending gold medalist nga si Shakhobidin Zoirov it Uzbekistan.
Bangud sa kadaeag-an ni Paalam, ap-at eon ka mga medalya ro posibleng madaea pauli it Pilipinas kun siin raya ro pinakamaabo nga medalya sa kasaysayan it Philippine delegation sa Olympics.
Ulihi nga nakahakot it medalya ro delegasyon it nasyon ko 1932 Summer Olympics matapos nga mag-uli it tatlong medalya.
Samtang, sa pihak nga parte, nagapanguna man ro China sa mga nasyon nga may pinakamaabo nga medalya matapos nga makabuoe it 30 ka mga gold, 19 silver ag 16 nga bronze medal.
Ginasundan man raya it Estados Unidos nga may 22 nga bueawan, 27 nga Silver ag 17 nga bronze.
Pangatlo ro host country nga Japan nga may 18 nga bueawan, an-om nga silver ag napueo nga bronze.
Australia nga may 14 nga bueawan, ap-at nga silver ag 15 nga bronze.
Samtang, ro Pilipinas hay una man pang 43 nga pwesto matapos makabuoe it sambilog nga gold ag sambilog silver medal.
