Nabuoe ni Paul Butler ro interim WBO bantamweight title matapos nga maglista it unanimous decision kontra sa Pinoy boxer nga si Jonas Sultan sa ginhiwat nga bakbakan kainang aga-aga sa Liverpool sa United Kingdom.
Nagpakita it anang manami nga kondisyon si Butler rason nga insigida imaw nga umabanse sa puntos.
Sa unang daywang rounds hay gindomina ni Butler apang nakabawi si Sultan sa mga masunod nga rounds.
Sa ulihing parte hay nakipagsabayan si Butler kay Sultan nga raya ro nagtao kana it abanse sa mga judges card.
Ro judge nga si Howard Foster hay nag-iskor it 116-112 ag si Fernando Laguna hay 117-111 pabor pa gihapon kay Butler.
Matapos ro hampang ginpahayag ni Butler nga mas mayad pa sigon si Sultan kaysa kay John Riel Casimero nga una kunta nana nga makabakbakan.
