Namatay eon ro boksingerong si Kenneth Egano pilang adlaw matapos ro patinir sa ospital.
Raya hay matapos nga na-comatose bangud sa naangkon nga head injury maghalin sa eight-round nga engkwentro kontra kay Jason Fucalarin sa Imus, Cavite ko nagtaliwan nga Sabado.
Owa pa gin-anunsiyo ro hampang hay nadueaan eon raya it alintro kun siin insigida rayang gindaea sa ospital ag owa eon ginhueat pa nga maianunsiyo ro pangaean bilang nagdaog
Ginkumpirma it kampo it boksingero maghalin sa General Santos City ro pagkamatay it 22-anyos nga boksingero nga si Egano.
May una nga record si Egano nga pitong daog, sambilog nga piyerdi kun siin may una rayang tatlong knockouts.
Nagpaabot man it simpatiya ro Games and Amusement Board sa pamilya ni Egano.
