KALIBO, Aklan—Ginkakibot it mga Filipino community sa Japan ro naging resulta it nagtapos nga hampang it pambato it Pilipinas nga si Eumir Marcial kontra sa pambato it Ukraine nga si Oleksandr Khyzhniak sa men’s middleweight division it Tokyo Olympics 2020 rong ginakabig nga “the greatest show on earth”.
Suno kay Bombo Samurai Correspondent Josel Palma nga ginkakibot it mga pinoy sa Japan ro naging desisyon it limang ka mga judges.
Eubos man sigon nandang ginkasubo raya bangud sa andang pagpati hay ro Pinoy boxer ro maga-uli it silver medal ag maga-abante sa final round.
Apang napas-eawan si Marcial rason nga nagtapos eamang raya nga maga-uli it bronze medal.
Ro kaparehong boksingero hay naging agresibo sa first round kung sa siin tatlo ka mga judges ro nagpabor kay Marcial.
Sa second round it hampang hay nagpangibabaw sa gihapon ro Filipino boxer.
Apang sa third round hay nagdaog ro pambato it Ukrain hasta nga ko ulihi hay napagdesisyunan it limang ka mga judges nga imaw ro igadeklara nga nagdaog.
