Pinoy boxer Rene Cuarto napas-eawan nga mabawi ro IBF minimumweight matapos patumbahon ni Shigeoka

Napas-eawan si Filipino boxer Rene Marck Cuarto nga mabawi ro anang IBF minimumweight title matapos nga patumbahon imaw ni undefeated boxer Ginjiro Shigeoka.

Tatlong beses nga napatumba ro Pinoy boxer kaeakip ro daywang beses sa decisive round hasta daeayon nga gintapos imaw it Japanese boxer sa 15 segundo sa hampang nga ginpatigayon sa Yoyogi, Gym sa Japan.

Sa unang parte it hampang hay napatumba pa it 26-anyos nga Pinoy boxer ro Japanese boxer gamit ro anang right straight.

Apang, nakabangon ro 23-anyos nga Japanese southpaw boxer ag daeayon nga nabuoe ro belt.

May una eon nga siyam nga daog ag uwa pa it pyerde nga may pitong knockout si Shigeoka samtang si Cuarto hay may unang 21  daog, ap-at nga pyerde ag may unang 12 knockouts.