KALIBO, Aklan— Daog ro Pinoy cyclist nga si El Joshua Carino sa Stage Five it Ronda Pilipinas 2019 nga nag-umpisa sa Roxas ag nagtapos sa Antique.
Nagpanguna imaw sa 148.9 kilometrong lap kontra sa nagapangaywa kana nga si Artem Ovechkin it Russia ag two-time Southeast Asian Games gold medalist Mohd Hariff Saleh nga sangka Malaysian rider.
Samtang, daog man sa 197.6-km Iloilo-Iloilo Stage One ro Tour de France veteran nga si Franciso Mancebo it Espanya.
Sa 101.8-km Guimaras-Guimaras Stage Two, nagpangibabaw ro Pinoy nga siklistang si Felipe Marcelo.
Ginpakita man ni two-time champion Jan Paul Morales ro pagiging top sprinter it nasyon matapos magpanguna sa finish line para sa 179.4-km Stage Three Iloilo-Roxas.
Sa 146.9-km Stage Four nga ginpatigayon sa Roxas City, daog kara si Jamalidin Novardianto it Indonesia.
Katuyuan it sikat nga cycling marathon nga makabulig sa mga Pinoy cyclists nga makatipon it bastanteng puntos agud ma-qualify sa 2020 Tokyo Olympics.
Ro nasambitang awarding ceremony hay ginpatigayon sa isla it Boracay.
