NATIONAL News — Nag-atubang eon sa korte ro sangka Russian nga kapitan it cargo ship nga nagapangatubang sa kasong gross negligence manslaughter matapos nga bumunggo ro andang barko sa sangka tanker sa North Sea off sa northeastern coast it United Kingdom.
Nag-atubang si Vladimir Motin, 59, sa mga huwes sa port of Hull. Owa imaw nagdihon it plea, ag uman nga maga-atubang sa Old Bailey sa London sa April 14.
Nadakpan si Motin halin sa Primorsky sa St. Petersburg ko Lunes matapos mabungguan it anang barko ro Portuguese-flagged Solong, ro fuel-laden tanker Stena Immaculate, rason nga nagkaeayo ro daywang vessels.
Nauna eon nga ginpahayag it Humberside Police nga nagpatigayon it “extensive searches” ro HM Coastguard agud nga mausoy ro naduea nga crew member halin sa Solong.
Nakilaea ro crew member it state prosecutors nga si Mark Angelo Pernia, sangka 38-anyos nga Filipino, nga ginadudahan nga namatay base sa pahayag it pulis.
Nakaangkla ro US-flagged tanker, chartered it US military, sa baybayon it Hull sa northeastern England kat matabu ro insidente.
Gintaw-an ro mga pulis it daywang extensions ko Miyerkules ag Huwebes agud nga taw-an it mas mahabang oras agud nga kuwestiyunon ro kapitan bangud sa “the complexities of the incident”, base sa Humberside police force.
Naglunsar eon it imbestigasyon sa pagpanguna it UK, kaibahan ro US ag Portuguese teams, agud nga matumod ro eksaktong dahilan it kolisyon.
