KALIBO, Aklan—Napabilin ni Yordenis Ugas ro anang WBA “super” welterweigth belt matapos nga pyerdihon si Manny Pacquiao.
Ginpaburan it tatlong judges ro Cuban boxer para mabuoe ro unanimous decision.
Raya eon ro pang-27 nga daog ni Ugas samtang pang waeong pyerdi man it fighting senator.
Bangud kara, si Pacquaio hay may una eon nga record nga 62 nga daog, waeong pyerdi ag daywang draw.
Suno sa fighting senator, magapahuway imaw antes magdesisyon kun uman nga magasabak sa ring ukon eubusan eon nga magretiro.
Ginpasamaeatan man kara ro anang fans nga nagtan-aw it live sa T-Mobile Arena sa Las Vegas, Nevada sa pihak it ginapangatubang nga COVID-19 pandemic.
Madumduman nga si Errol Spence Jr kunta ro maka-engkwentro ni Pacquiao apang umatras raya 11 diyas antes ro hampang bangud sa eye injury rason nga ginbaylo si Ugas.
