KALIBO, Aklan—Mas kaping pang mapabaskog ro ekonomoya it Amerika matapos nga inabswelto it US senate si US President Donald Trump sa daywang articles of impeachment.
Suno kay Bombo International Correspondent Josephine Maming Soreño, tubong Brgy. Taba-ao, Banga, Aklan ag presenteng naga-istar sa California nga tama eamang ro final tally it botohan nga 52-48 pabor kay Trump sa kasong abuse of power, ag 53-47 sa obstruction of Congress investigation.
Gusto sigon it democrats nga mapahalin si Trump agud nga inde mabukaran ro andang corruption.
May pilang pinoy nga uwa nagustuhan si Trump bangud sa anang immigratrion policy nga “American First.”
Apektado kara ro maabong pinoy nga nagaplanong i-petisyon ro andang mga ginikanan paadto it US.
Para kay Trump, pabug-at eamang ro pag-abo it mga dumueoong sa andang nasyon.
Nasayuran nga malisod makaron ro pag-usoy it trabaho it mga immigrants kaparehas it mga pinoy kamana man ro mga magueang nga naga-apply it free medical nga ginagastusan it gobyerno it Amerika.
