KALIBO, Aklan—Ginsaysay ni Rem Mendoza, tubong Mandaue City, Cebu sa Bombo Radyo Kalibo ro anang eksperyensya bilang central volunteer sa World Youth Day 2023 nga ginpatigayon sa Lisbon, Portugal nga ginpasakupan it libo-libong mga pilgrims.
Suno kana, nagapabilin nga mixed emotions imaw hasta sa makaron bangud sa blessings nga ginta-o kana it Diyos nga mapabahin sa makabig nga tumaeagsahon nga event.
Ginpahayag dugang nga eubus ro anang kalipay nga maencounter mismo ro Santo Papa maskin nga bukon it raya ro anang unang kahigayunan nga pagkakita kana.
Apang, eain gid ro baeatyagon nga maistorya mismo si Pope Francis eabi eon kat ginsambit nana ro “Lolo Kiko” kon sa siin narecognize imaw nga halin sa Pilipinas.
Madumduman nga ko dag-on 2015 hay nagbisita sa Pilipinas ro Santo Papa ag Lolo Kiko ro tawag kana it mga Pinoy.
Ro World Youth Day hay ro encounter it mga pamatan-on maghalin sa nagkaeain-eain nga nasyon.
Samtang, ro masunod nga World Youth Day hay igapatigayon sa Seoul, South Korea sa dag-on 2027.
