Gin-anunsyo it Guinness World Records nga ro batang pispis nga bar-tailed godwit hay nakahimo it record para sa longest non-stop migration by a bird kat mag-eupad imaw it dere-deretso nga owa it pundo sa kaeayuon nga 8,435 miles halin sa Alaska paagto sa Tasmania, Australia.
Ginpahayag it record-keeping organization nga ro nasambit ng pispis nga nakilaea sa anang tag number nga 234684 hay ginpasuksok it 5G satellite tag kat maghalin raya sa Alaska ko Oct. 11, 2022, ag nag-abot sa Tasmania onse diyas pagkatapos nga owa it pundo pundo agud nga magkaon ukon magpahuway.
Suno sa Guinness nga ro dating record hay nahimo ko 2020 it kaparehong miyembro it klase it pispis ag ko 2022 hay sangka godwit man ro nakabasag it record nga 217 miles.
Ginpahayag ni Eric Woehler it Birdlife Tasmania sa Guinness World Records nga ro record-breaking bird hay nagniwang it masobra sa katunga sa anang dating timbang matapos ro ginpatigayon nga pag-eupad nga owa it pahuway sa adlaw ag gabi-i.
