KALIBO, Aklan — Nagapangatubang sa kasong administratibo ro pitong pulis matapos maaktuhang nagakatueog samtang naka-duty sa sueod it Banga Municipal Police Station.
Suno kay Romel Sta. Ana, Law Enforcement Evaluation Officer II it National Police Commission (NAPOLCOM)-6, ginpatigayon ro spot inspection ko nagtaliwan nga buean bandang alas-10:30 it gabi-e sa pagpanguna ni NAPOLCOM Regional Director Joseph Celis.
Taw-an sigon it kahigayunan ro mga nasambitang pulis nga parehong naka-assign sa night shift nga magpaathag.
Sa makaron sigon hay naka-duty gihapon sanda sa nasambitang taeatapan it pulisya.
Ginpasiguro pa ni Sta. Ana nga magapadayon ro sorpresang inspection agud masayuran kon ano kaalerto ro mga pulis.
Gin-engganyo man kara ro publiko nga magreport sa andang taeatapan kon may reklamo sa mga pulis sa andang lugar.
