KALIBO,Aklan–Naging madinaeag-on ag malinong ro pangkabilugan ag katatapos eamang nga selebrasyon it kapistahan ni Sr. San Juan de Bautista sa bilog nga banwa it Kalibo.
Raya hay sandig man sa ginpatigayon nga assessment it Kalibo Municipal Police Sattion angot sa nasambit nga kapistahan.
Suno kay PCapt. Ricky Bontogon, Hepe it Kalibo PNP nga makabig nandang generally peacefull ag puro eamang kalipay ro pagselebrar it mga pumueuyo sa kakatapos eamang nga kapistahan ni San Juan.
Raya hay kasunod man it mga nagkaeain-eain nga aktibidad nga ginpatigayon it LGU-Kalibo.
Mag-eowas eamang suno kay PCapt. Bontogon sa mga motorista nga imbulbado sa mga vehicular accidents.
Angot kara, nakalista sigon sanda it kabilugang pitong serye it vehicular accidents nga ginakaeakipan it ap-at nga imbulbado sa reckless imprudence resulting to damage to property and physical injury, daywang self accident ag sambilog sa phycial injury.
Sa pihak kara, owa sanda it anumang nailistang mga mabahoean nga insidente angot sa nasambit nga selebrasyon kamana man sa aksidente sa mga daeanon.
Samtang,ko nagtaliwan nga Hunyo 24 nagresponde ro Kalibo PNP sa sangka kinagamo sa tunga it pilang ka mga indibidwal nga magkatrabaho tuga man it “misunderstanding”.
