Plano it gobyerno nga mag-import it asukar, ginpuna it mga mangunguma

KALIBO, Aklan–Ginpuna it pilang mangunguma ro plano it gobyerno nga mag-angkat it asukar agud nga masolusyonan ro ginaeauman nga kakueangan it suplay makaron nga dag-on.

Suno sa sugar farmers, owa it kakueangan bangud raya ro umpisa it tyempo it paggiling ukon produksyon it asukar.Base sa datos it Sugar Regulatory Administration (SRA), nga nagtaas it tatlong porsyento ro produksyon it asukar sa nasyon ko unang dominggo it Pebrero kumpara ko nagtaliwan nga dag-on.

Samtang, ginpahayag it mga mangunguma nga kung igapadayun ro importasyon, maganaba ro presyo it asukar ag indi eon nanda mabawi ro gintaeana nga capital.