KALIBO, Aklan—Plano makaron it Bureau of Fire Protection nga ma-activate ro pilang ka mga Municipal Fire Station sa probinsya it Aklan sa maabot nga Enero 2021.
Suno kay Fire Senior Superintendent Jerry Candido, regional director it BFP-6, tuyo nandang mas pang pabaskugon ro rescue ag medical services para sa mga pumueoyong Aklanon.
Pila sa mga municipal fire station nga plano nandang i-activate sa masunod nga dag-on hay ro banwa it Nabas, Banga ag Batan.
Padayun pa sigon ro pag-repair sa mga struktura nga pagahimuon nga temporaryong estasyon sa nasambitang mga banwa samtang nagahueat pang maaprubahan ro P7.3 million nga allotted budget para kara.
Plano man sigon nandang ibutang sa banwa it Banga ro opisina it Provincial Fire Marshal kamana man nga raya eon ro magiging future site it iga-activate nga special skee unit nga maga-atender sa nagkaeain-eain nga rescue ag medical need it mga pumueoyo ag ro pagprocure it basic forest fire fighting equipment.//
Sa pihak nga parte, eubos man ro pagpasaeamat it opisyal kasunod it nabaton nga award halin sa Sangguniang Panlalawigan it Aklan.
Raya hay matapos nga imaw ro kauna-unahan nga Aklanon nga naging regional director it Bureau of Fire Proctection sa bilog nga Pilipinas.
Ginbutang sigon imaw sa pwesto ko Hunyo 18 apang antes raya hay nagserbi anay imaw bilang director for logistics sa national head quarters.//Si Candido hay tumandok it Brgy. Hiniktan, Altavas.
