KALIBO, Aklan—Temporaryo nga indi pagapadayunon ro planong pag-construct it bag-ong building merkado publiko sa banwa it Kalibo.
Raya ro ginkumpirma ni Kalibo Mayor Emerson Lachica.
Suno kana nga ro minilyon nga pondo nga nakataeana kunta para sa construction hay ginbalik sa Department of Public Works and Highways ukon DPWH matapos nga ginbaeabagan sigon it sangguniang panlalawigan ro andang ginaduso nga pagbakae it lote sa barangay Andagao, Kalibo nga pagapatindugan it multi-purpose building nga paga-obrahon kunta nga relocation site it mga vendors ag stall owners.
Gin-insister it alkalde nga imposibleng maumpisahan ro construction samtang sa sueod it tindahan ro nasambit nga mga manugbaligya.
Bukon man sigon it ideal nga obrahon nga relocation site ro kahabaon it toting reyes st nga magatuga it mabahoe nga perwisyo.
Handum it LGU-Kalibo nga makapatindog it tindahan nga pwedeng maipabugae sa bilog nga pilipinas nga may budget nga kapin sa 300 milyon pesos.
Sa pihak kara, indi sigon sanda magasurender ag engkaso nga taw-an pa it kahigayunan sa masunod nga eleksyon hay pagapadayunon nanda ro nasambit nga plano.
Madumduman nga kaparte sa pagagastusan it iga-loan it LGU-Kalibo nga masobra sa 691 milyon pesos para sa mga infrastructure projects ro pagbakae it eugta sa andagao kalibo nga nagabalor it kapin sa 61 milyon pesos apang ginbaeabagan raya it majority it miyembro it sangguniang bayan ag eubusan nga pinatay it SP.
Kat masunog ro tindahan ko Setyembre 15, 2019, nag-promisa si senador bong go nga magatau it 20 milyon pesos , samtang ro DPWH hay may pondo nga P6-million ko 2020 ag P34-million pesos makaron nga 2021.
Mag-eowas kara, may gintaeana man nga P10-million pesos para sa repair and rehabilitation it multi-purpose building.
