KALIBO, Aklan—Ginapa-imbestigahan it grupong Bayan Muna sa Committee on Agriculture and Food ro pag-apruba it Sugar Regulatory Administration (SRA) it Department of Agriculture (DA) sa importasyon it 200,000 metriko toneladang asukar.
Raya hay para masolusyunan sigon ro kakueangan it asukar sa nasyon tuga it kahalitan it bagyong Odette.
Suno sa grupo, kabaliskaran raya sa report it SRA nga 42% ro gintaas sa produksyon it refined sugar makaron nga dag-on kumpara sa suplay ko 2021.
Dugang pa kara nga nagadaea raya it paeag sa industriya it asukar nga nagasab-eag sa interes it mga local producer sa Pilipinas.
Una eon nga gindepensahan ni DA Secretary William Dar ro importasyon it asukar nga suportado sigon it datos it Philippine Statistic Authority (PSA) ag ro refined sugar eamang ro iga-angkat it nasyon.
