KALIBO, Aklan — Ginaduso makaron nga iga-renovate ro Aklan Sports and Multi-Purpose Complex sa Brgy. Calangcang, Makato.
Raya hay sandig sa ginbaeay nga resolusyon it committee on appropraitions kasunod man sa request ni Governor Florencio Miraflores nga may pondong P53,600,000.
Base sa gin-presentar ni 1st district board member Soviet Russia Dela Cruz sa plenaryo sa regular session it Sangguniang Panlalawigan, ro nasambit nga proyekto hay sa idaeom it 2019 annual investment program kon sa siin ro pondo hay pagaboe-on sa loan borrowings.
Una kara, nagpatigayon it pagpamati ro committee on appropriations, budget and finance and ways and means ko nagtaliwan nga Nobyembre 4 ag 5, 2019.
Sa pihak nga parte, gin-aprubahan sa plenaryo ro resolusyon kaangot sa pagbakae it sangka unit it brand new service vehicle ukon tourist bus nga pagagamiton it Economic Enterprise Development Department (EEDD)-resort/hotel operations sa andang official activities.
