KALIBO, Aklan—Ginklaro it Department of Education ukon DepEd-Aklan nga owa pa it direktiba angot sa pagpatigayun it limited face-to-face classes sa mga eskwelahan sa bilog nga nasyon.
Sa interview it Bombo Radyo Kalibo, gin-aku ni Dr. Miguel Mac Aposin, Schools Division Superintendent it DepEd-Aklan nga nagaplano eon sanda nga magpatigayun it pilot implementation it limited face-to-face classes kung siin limitado eamang ro eskwelahan nga pagapatigayunan kara.
Suno kana, sambilog eamang nga eskwelahan sa probinsya it Aklan ro andang ginrekomenda para sa nasambit nga tikang.
Kaangot kara, gusto sigon it taeatapan nga bukon it pieilitan ro koordinasyon ag partisipasyon it mga estudyante.
Sambilog sigon sa mga basehan sa pagrekomenda hay dapat owa it COVID-19 cases sa lugar nga pagapatigayunan it limitadong face-to-face classes agud nga masigurong euwas ro kada isaea.
Importante sigon nga siguraduhon ro kaeuwasan ag maayos nga kahimtangan it kada manugturo, estudyante ag ginakanan kamana man it bilog nga kumunidad.
Dugang pa kara nga ginakahang-ean man ro pakikipagbuylog ag responsibilidad halin sa DepEd, lokal nga gobyerno ag mga ginikanan sa pagpatuman kara.
