Nadugangan pa ro mga kasong ginapangatubang ni dating Bureau of Corrections (BuCor) head Gerald Bantag matapos pasakaan imaw it mga kasong plunder ag graft sa Department of Justice (DOJ) kahapon.
Si BuCor acting director Gregorio Catapang Jr. Ro nagdihon it mga kaso kontra kay Bantag.
Kaibahan eon kara ro kaso it “malversation through falsification of official documents”, “graft”, ag pag-eabag sa Code of Conduct and Ethical Standards for Public Officers and Employees.
Ginkasohan man si Bantag it administratibo bangud sa “grave misconduct, dishonesty and conduct prejudicial to the interest of the service”.
Pila sa akusasyon kontra kay Bantag hay ro ma-anomalyang bidding para sa konstruksyon it tatlong kulungan sa Davao Prison and Penal Farm, Iwahig Prison and Penal Farm sa Palawan ag sa Leyte Regional Prison, nga nagabalor it P1 bilyon.
Ginpahayag ni Catapang nga naghimu si Bantag it seperado nga Bidding and Awards Committee para sa nasambit nga mga proyekto.// Ginmaniobra sigon kara ro nasambit nga bidding kat magdaog ro Joint Venture it CB Garay Philwide Builders ag Rakki Corp. Apisar nga kueang-kueang ro mga raya sa requirements.
Una eon nga nagpangatubang si Bantag sa daywang kaso it pagiging utok sigon sa pagpatay sa brodkaster nga si Percy Lapid ag inmate nga si Jun Villamor.
