International News———Posibleng mapatalsik sa puwesto makarun nga katapusan it dominggo si Pakistani Prime Minister Imran Khan.
Raya hay matapos nagdesisyon ro pinakamataas nga husgado it nasyon nga eabag sa konstitusyon ro anang tikang nga harangon ro sangka “no-confidence vote.”.
Ro “vote of no confidence” hay sangka boto kun sa siin ro mga miyembro it sangka grupo hay nagahingyo nga ipaabot nanda ro andang owa pagsuporta sa grupong may buyot it gahom, nga masami hay sa gobyerno.
Makarun nga dominggo, nagpamalibad ro nagaharing partido ni Mr. Khan nga magpatigayon it “no-confidence vote” nga posibleng magpatalsik kana.
Ginbueag it anang gobyerno ro parliyamento ag nagpatawag it snap election.
Gin-akigan it political blindside ro oposisyon nga gilayon man nga naglunsar it apela sa Korte Suprema.
Ag bilang pagsabat sa desisyon it Korte Suprema, ginpahayag ni Mr. Khan nga nagpatawag imaw it pagpueong it gabinete antes raya nga magpaguwa it pahayag.
