KALIBO, Aklan — Gintawag it Bagong Alyansang Makabayan (Bayan-Aklan) ro Philippine National Police (PNP) ag Armed Forces of the Philippines (AFP) nga fake news peddlers matapos nga ginpakalhit nga kanselado ro kandidatura it senatorial aspirant nga si Neri Colmenares ag makabayan nga partylists .
Suno kay Kim Sin Tugna it Bayan-Aklan nga raya hay sangka desperado nga tikang it gobyerno agud nga duea-on ro anang mga kritiko.
Makabig sigon raya nga harassment sa mga kandidato .
Sa pinaka-ulihi nga paghuyap it boto, sa kabilugan nga 97.88% nga election returns, nagapabilin si Colmenares sa ika-24 nga pwesto nga may 4,651,870 nga boto.
Sa limang party-lists nga gina-alegar nga gin-disqualify, ro Bayan Muna eamang ro nakasueod sa top 15 nga may 1,107,132 nga boto nga nagapangaywa sa ACT-CIS .
Samtang, nag-ugyon man sa serye it mga ginpatigayon nga Black Friday Protest ro andang grupo kaibahan ro Makabayan-Aklan agud nga kundinahon ro bag-o eamang natapos nga eleksyon kamana man ro mga nagapanguna nga senatoriables nga kaalyado it administrasyon nga nagpasa it mga kasuguan nga mas pang nagapa-antus makaron sa mga pumueuyung Pilipinhon ag pagkamatay it maabu nga mga tawo bangud sa ginlunsar nga war on drugs.
