Ginpasiguro ni Philippine National Police chief PGen. Rodolfo Azurin Jr. nga magiging patas ro committee of 5 advisory group sa pagsaea sa mga 3rd level officials it Pambansang Pulisya nga nagsabat sa panawagang paghalin sa serbisyo ni Department of the Interior and Local Government Secretary Benjamin Abalos Jr. bilang kaparte it internal cleansing sa bilog nga linya it Kapulisan.
Ginpahayag raya ni Azurin kasunod it pagasapubliko ni Interior Secretary Abalos sa mga pangaean it mga personalidad nga napili ni Pangueong Ferdinand “Bongbong” Marcos Jr. nga maging bkaparte it nasambit nga 5-man advisory group.
Suno sa hepe it Pambansang Pulisya, sangka dungog ro pagpili kana it pangueo nga maging parte sa komite nga magatumod sa mga heneral ag koronel it PNP nga kaparte it paglimpyo sa bilog nga linya kara.
Ginpasiguro man ni Azurin nga magiging patas ag makaturangan ro magiging rekomendasyon it committee of five angot kara.
Samtang, mag-eowas kara hay nagpasaeamat man si Azurin sa salig nga gintugyan kana it pangueo, ag sa suporta kana ni Interior Secretary Abalos para sa tuyo kara para sa ikamayad it bilog nga linya it Pambansang Pulisya.
