PNP Covid-19 active cases kapin sa 3 eun lang – Health Service

National News——–Nag-abot eun  sa 48,860  ro total confirmed cases  it  COVID-19 sa Philippine National Police (PNP).

Sa datos it PNP Health Service  makarun nga Biyernes, April 1, 2022, nakalista it  daywang new Covid-19 cases ag sambilog nga new recovery.

Samtang tatlo ro active cases  ukon  presenteng nagapamayad sa  nasambitan nga sakit.

Samtang nag-abot eun sa 222,921 PNP personnel  ukon  99.22 percent  ro fully vaccinated  ukon  nakumpleto  it andang  bakuna kontra COVID-19.

Sa nasambitang  numero, 182,278 PNP personnel ukon  81.77 percent  ro naturukan  it booster shot bilang  dugang nga  proteksyon.