Gintaw-an it Philippine National Police (PNP) it sang domingo nga ultimatum si Senator Ronald “Bato” Dela Rosa agud nga boluntaryong magsurender sa mga awtoridad angot sa warrant of arrest nga ginpaguwa kontra kana it International Criminal Court (ICC) angot sa kasong may kaangtanan sa kampanya kontra ilegal nga droga ko administrasyon ni dating Pangueong Rodrigo Duterte.
Suno kay PNP Chief General Jose Melencio Nartatez Jr., raya hay bukon it pakikipagnegosasyon sa senador kundi pagtau eamang it kahigayunan nga boluntaryong magsurender. Ginpasiguro man nana nga magapadayun ro pagtugis kay Dela Rosa maskin nga matapos ro gintaeana nga ultimatum, samtang posibleng magapanabat sa laye ro sin-o man nga mapamatud-an nga nagatago sa senador.
Nauna eon nga gin-anunsyo ni Interior and Local Government Secretary Jonvic Remulla ro ₱50 milyong padya para sa makatau it impormasyon sa ginakahimtangan ni Dela Rosa.
Suno kay Remulla, magahalin ro pondo sa intelligence funds it Department of the Interior and Local Government ag PNP.
Gintumod man nana ro senador bilang most wanted person it gobyerno nga may pinakamabahoe nga padya sa nasyon.
