KALIBO, Aklan–Igapatuman it kapulisan ro hugut nga seguridad sa may kaangtanan sa pag-arangkada makaron nga adlaw it Biyernes, Marso 25 it campaign period sa local positions.
Raya ro ginpahayag ni P/Lt.Col. Arnel Solis, tagapaghambae it Police Regional Office 6 ukon PRO-6.
Suno kana nga nakaplastar eon ro andang mga contingency measures agud nga masiguro nga magiging matawhay ro tiempo it kampanya ag insigidang makaresponde sa anuman nga election related incident.
Ginpahayag dugang nga mabahoe nga bulig sa mga otoridad ro ginatigayon nga unity walk ag peace covenant signing kun sa siin nagpahayag ro mga kandidato nga makikipagbueuligan agud nga maging maayos ag malinong ro eleksyon.
Sa pihak nga parte, padayun man ro andang pagpadumdum sa mga kapulisan nga maging apolitical ukon owa it ginapaburan nga pulitiko sa maabot nga eleksyon.
Samtang, sigidas man ro andang monitoring sa mga ginakabig nga hotspots sa bilog nga Western Visayas.
Kaibahan kara ro banwa it Libacao bangud sa mga sightings it makawaeang grupo.
