Magapatuman it security adjustment ro Philippine National Police (PNP) matapos sugtan it Quezon City government ro progresibong grupo nga magpatigayon it hubeag protesta sa bahin it Commonwealth Avenue makaron sa adlaw it SONA.
Suno kay PNP Directorate for Operations (DO) chief, PMaj. Gen. Val De Leon, kinahangean nandang mag heneral, nga bastante ro numero it mga pulis ag force multipliers nga magatao it seguridad sa bahin it Commonwealth Avenue.
Tuyo it PNP nga maging maayos ro daeagan it trapiko sa nasambit nga lugar ag maging haum engkaso nga maka-angkon it ano man nga posibleng eventuality.
Madumduman nga kapin sa 22,000 police personnel kaibahan eon ro mga sundado ag force multipliers ro magatao it seguridad sa SONA ni Pangueong Bongbong Marcos makaron nga adlaw.
Nasayuran nga ginbawi it Quezon City government pamaagi sa andang Public Order and Safety office ro unang desisyon nga andang ginpaguwa kung siin indi pagsugtan ro mga protesters nga magpatigayon it hubeag protestasa bahin it Commonwealth Avenue.
Samtang ro mga pro-Marcos supporters mat-a hay ginsugtan nga magtieipon sa may IBP road maeapit sa Sinagtala Street, Barangay Batasan Hills.
Istrikto man nga igapatuman it PNP ro maximum tolerance sa mga rallyists.
Samtang, ginkasugtanan man nga magasunod sa minimum health protocols ro mga protesters.
Sa pihak nga parte. Hinyu man it PNP sa mga magaprotesta nga respetuhon ro mga pulis nga naka-deploy sa lugar.
