-- ADVERTISEMENT --
Nakahaom ro Philippine National Police (PNP) sa anumang maging desisyon ni Pangueong Rodrigo Duterte pag-abot sa operasyon it online sabong.
Suno kay PNP Chief Police General Dionardo Carlos nga magasunod sanda sa desisyon it Pangueo ag igapadayon eon lang kara ro andang trabaho.
Apang, pagatan-awon sigon nanda ro “social cost” it e-sabong ag ro bukon it manami nga epekto kara para sa mga naadik eon.
-- ADVERTISEMENT --
Samtang, maskin uwa it paghueag sa nagakatabong pag-usoy sa masobra 30 ka mga sabungero, nagaeaum si Carlos nga may buhi gihapon sa mga raya.
Padayon sigon ro pag-imbestiga it PNP ag ginatinguhaan nanda nga usuyon ro mga naduea nga sabungero para maibalik sa tagsa-tagsa nanda ka mga pamilya.
