KALIBO, Aklan—Nagapadayun ro kampanya it Police Regional Office ukon PRO-6 kontra sa illegal nga droga.
Suno kay P/Lt.Col. Arnel Solis, tagapaghambae it PRO-6 nga hasta makaron hay owa sanda it may natumod nga drug group kamana man nga owa nagapundo sa pagdakop sa mga indibidwal nga naeakot sa ginabawae nga droga.
Sa kamatuoran suno kana hay naging madinaeag-on ro andang mga operasyon matapos nga makakumpiska it mabahoe nga volume it droga makaron nga dag-on ag pagka-aresto it mga ginakabig nga high value individual.
Sa pagbueuligan sigon it PDEA, PNP, DOH ag DILG, kada dag-on hay nadudugangan ro numero it mga barangay sa region 6 ro gindeklara nga drug cleared sa illegal nga droga nga makaron hay naga abot eon sa 88%.
Bangud sa hugut nga kampanya sa illegal drugs, naging maayos man suno kana ro andang kampanya kontra sa mga maeain nga elemento.
