Ginpahayag it PNP Anti-Cybercrime Group (ACG) nga nagapatigayon eon sanda it imbestigasyon may kaangtanan sa mga spam text messages kung siin nakabaehag ro pangaean it mga targeted recipients.
Suno kay Police Brig. Gen. Joel Doria, director of the PNP Anti-Cybercrime Group (ACG), nagaguwa sa mga unang resulta it imbestigasyon nga ro mga numero it mga nagpadaea hay owa naka-link sa ano man nga mga social media account, messaging app ag digital wallet.
Ro data sigon hay hay posibleng naigbaligya ag mabahuean nga ginbakae binakae sa dark web kung siin ro mga hacker hay nagagamit it espesyal nga software para makabakae ag magbaligya it impormasyon.
Ginakontrol it espesyal nga software nga pagahimuon nga anonymous ag indi mabantayan ro mga dark web user.
Pangaywa, ro impormasyon hay posibleng naboue pamaagi sa mga social media platform, website, ag mga direktoryo it telepono sa internet.
Ag ro pangatlo, suko kay Doria, hay ro mga raffle ticket ag iba pang standard application forms nga pagaeakipan it mga customer ag ibang tawo sa mga merkado ag iba pang establisyimento.
Dugang pa ni Doria nga ro ACG hay padayon nga nagabuylog sa National Privacy Commission (NPC) ag nagakaeain-eain nga TELCO para masabat ro mga isyu sa spam text messaging.
