-- ADVERTISEMENT --
Nakatutok makaron ro imbestigasyon it Philippine National Police (PNP) sa kon sin-o ro hitman nga ginkontak ni Vice President Sara Duterte nga ginmanduan nana nga pumatay kay Pangueong Ferdinand Marcos Jr., 1st Lady Liza Marcos ag House Speaker Martin Romualdez engkasong mauna imaw nga ipapatay.
Madumduman nga ginbuhian it bise presidente ro mabug-at nga kataga kat nagpatigayon raya it virtual media briefing ko adlaw it Sabado.
Samtang, ginklaro ni CIDG Director PBGen Nicholas Torre III, nga ro direktiba ni PNP Chief Gen. Rommel Francisco Marbil hay imbestigahan ro insidente ag bukon it ro bise presidente.
Sa makaron suno kay Torre, nagaumpisa eon ro CIDG sa andang motu propio investigation sa nasambit nga insidente.
