Plano it Philippine National Police (PNP) nga i-orient ro mga ginikanan ag guardian eabi eon ro mga naggamit it andang mga unga para sa online sexual exploitation angot sa peligro ag mga kasong posibleng paga-atubangon.
Ginpahayag ni PNP spokesperson Police Colonel Jean Fajardo nga ro puwersa it pulisya hay kaparte it inter-agency task force nga magapatigayun it mga operasyon kontra sa child pornography perpetrators ag mga eakot sa child trafficking.
Nauna eon nga ginpahayag ni PNP chief Police General Rodolfo Azurin Jr. nga paga-ubrahon nanda ro tanan para matapna ro online child exploitation sa nasyon.
Suno kana, halin Enero hasta Agosto 2021, naga-abot sa kabilugan nga 43 operasyon ro ginpatigayun ag 25 kaso ro ginpasaka.
Sa kaparehong tyempo para sa 2022, 29 nga operasyon ro ginpatigayun ag 20 kaso ro ginpasaka.
