Ginpahayag it Philippine National Police (PNP) nga uwa it naireport nga “major incidents” sa kabilugan it masobra sa 13 oras nga prusisyon it imahen it Hesus Nazareno makaron nga Biyernes Santo, Abril 3, nga nag-umpisa alas-11:30 it gabi it Huwebes Santo, Abril 2.
Ginpahayag it pambansang pulisya nga madinaeag-on nga nasiguro ro kaeowasan ag seguridad it prusisyon nga gintambungan it mas tunga sa milyong deboto.
Suno sa PNP, kabilugang 3,169 PNP personnel ro gindeploy para magtao it tayuyon nga coverage.
Nagpaabot mat-a si PNP Chief PGen. Jose Melencio Nartatez Jr. it pagpasaeamat sa tanan nga mga police officer ag publiko para sa andang kooperasyon, nga nagresulta sa matawhay ag “incident-free” nga pag-obserba it Biyernes Santo sa Quiapo.
Base sa PNP, ginrespondehan it medical teams ro 397 minor incidents apang uwa it naireport nga namatay.
Sa kabilugan, natapos it eowas ro prusisyon, kon sa siin nakabalik ro andas sa Quiapo Church alas-12:52 it truadlaw makaron nga adlaw it Biyernes.
