Sports News—–Uman nga ginpasiguro makarun ni Philippine Olympic Committee (POC) president ag Rep. Abraham Tolentino ro andang pag-indorso sa kontrobersiyal nga Pinoy Olympian ag pole-vaulter nga si EJ Obiena nga igaeakot nanda sa nagahieapit nga Hanoi Southeast Asian Games (SEAG).
Raya hay sa pihak nga gin-itsapuwera eun it Philippine Athletics Track and Field Association (Patafa) si Obiena nga nagrepresenta sa Pilipinas sa mga international competitions.
Ro SEA Games hay nakataeanang pagahiwaton sa May 12 hasta May 23 makarun nga dag-on kun sa siin ro Pilipinas ro defending champion.
Nagapati man si Tolentino nga kung pagabasehan ro mga performance ni Obiena hay sigurado eun ro pagkakuhit kara it gold medal sa Vietnam Games ag sa Hangzhou Asian Games nga pagahiwaton man sa buean it Setyembre.
Kung madumduman si EJ ro may buyot it SEAG record nga 5.45 meters ag ro Asian record nga 5.93 meters.
