Ginpaandam it Presidential Anti-Organized Crime Commission (PAOCC) ro ginatawag kara nga Philippine Offshore Gaming Operators o POGO politics bangud mahimo sigon suportahan it pilang indibidwal ro mga kandidato sa 2025 midterm elections.
Suno kay PAOCC spokesperson Dr. Winston Casio, ro mga POGO hay operational gihapon ag mahimo nagasuporta sa mga kandidato para sa maabot nga eleksyon apisar nga ginsugo ni Pangueong Ferdinand Marcos Jr. ro pagabawae sa operasyon.
Pahayag man it opisyal nga may una gihapon nga pilang POGO nga padayon nga naga-operate ag naga-hire pa it mga dugang nga empleyado apisar nga sanda hay dapat eun nga magpundo sa operasyon ag magsara sa pagtapos it dag-on kapareho eun lamang it sangka POGO hub nga gin-raid ku kan-o eamang sa Pasay City.
Ginhimo it PAOCC official ro pahayag kasunod it pag-umpisa it filing it COCs it mga magakandidato kun siin sambilog sa mga sangkot sigon sa ilegal nga operasyon it POGO ag criminal syndicates nga si dismissed Bamban Mayor Alice Guo hay nakataeana nga magdihon it anang kandidatura.
