BUSINESS News–Lumobo ro tax take it nasyon halin sa Philippine offshore gaming operations (POGO) industry it masobra sa 100% ko nagtaliwan nga dag-on sa tunga it pagnaba it numero it mga players suno sa datos it Department of Finance (DOF).
Nag abot ro tax collections halin sa POGOs sa ₱8.88 bilyon pesos ko 2022, mas mataas sa ₱3.91 bilyon pesos ko 2021, kun sa siin mayorya kara hay ginaeakipan it withholding taxes ag gaming taxes.
Raya hay sa tunga it uman nga pagbukas it Philippine economy kasunod it COVID-19 lockdowns.
Base sa Philippine Amusement and Gaming Corporation (PAGCOR), ro numero it registered POGOs hay nagnaba sa 32 hasta ko Hulyo 18, halin sa pre-pandemic peak nga 281 ko 2019.
Samtang, ro numero man it accredited service providers hay 106.
Madumduman nga ginpahayag ni PAGCOR Chairman ag CEO Alejandro Tengco ro pagpati nga posibleng mag-abot ro gross gaming revenues halin sa POGO sa ₱24 billion pesos sa pagtapos it makaron nga dag-on, masobra nga doble it ₱11 bilyong pesos nga nailista ko 2022.
Ginpabaskog it PAGCOR ag local authorities ro pagtugis sa POGOs nga eakot sa mga iligal nga aktibidad.
Samtang, pilang mamalidha ro nagaduso it permanent ban sa POGOs bangud sa social ag economic costs nga gina angot sa industriya.
