KALIBO, Aklan—Ginpaathag it mga kapulisan ro importansya it pag-angkon it manami nga relasyon sa komunidad.
Raya hay kaparte it Police Community Relation agud mas mapaeapit ro kapulisan sa mga sibilyan.
Suno kay PSMS Nere Ian Malbas it Kalibo Municipal Police Station nga ro programa hay nag-umpisa ko 2005 nga mas pang ginpabakod sa pagtaliwan it mga dag-on.
Sa raya nga pamaagi suno kana hay mataw-an it oportunidad ro mga pulis nga ma-recognize sa komunidad.
Importante sigon ro papel it PCR bangud madali nga maipaabot it kada pumueoyo ukon barangay ro anumang aktidad, plano, programa ag problema nga andang ginapangatubang.
May kaangtanan kara, ginpaathag ni PSSgt. Aldren Andrade it Kalibo MPS nga sa idaeom kara hay ginamanduan ro mga otoridad nga makipag-communicate sa komunidad.
Sa makaron, ro highlight it andang programa hay PNP Kasimbayanan.
Makabig sigon raya nga kakaiba bangud dikara may mandato sanda nga magpaeapit ro andang kabubut-on sa pagtuo.
