Ginpamalibaran ni Police Lieutenant Colonel Don Dicksie De Dios, hepe it Malay Police Station ro alegasyon ni Aklan second district congressman Toedorico Haresco angot sa ginahimo nga gimmick it mga kapulisan ro pagsita sa mga turista nga uwa it suksok nga facemask samtang hana ro mga raya nga magpaligos sa baybayon sa isla it Boracay.
Ginklaro ni De Dios nga uwa it reklamo nga nakaabot sa anang taeatapan angot sa nasambit nga alegasyon kon siin ginapatuman emang sigon nanda ro nakabaehag sa ordinansa it lokal nga gobyerno it Malay.
Gindepensahan man kara ro anang mga tawuhan nga uwa it nagahimo kanda it makarundaya nga aktibidad bangud nga uwa man it otoridad nga magasita kon makit-an nga naga-eosong ro mga raya sa tubi agud nga magpaligos.
Ro uwa man suno kana nagakansela it citation ticket ro mga otoridad kamana man bukon sanda it otorisado nga magbaton it bayad sa penalidad it mga violators.
