KALIBO, AKLAN — Nag apela it kooperasyon ag suporta sa mga pumueoyong Aklanon ro bag-ong OIC provincial director it Aklan Police Provincial Office (APPO).
Kahapon nga adlaw hay pormal nga nagpungko sa anang pwesto si Police Senior Supt. Lope Manlapaz.
Gin hayag kara nga importante ro kooperasyon ag suporta maghalin sa local government unit kamana man sa mga ahensiya it gobyerno para sa tayuyon nga peace and order sa probinsiya it Aklan.
Sa anang pagsabak sa bag-ong mandatu gin patawag ni Manlapaz ro tanan nga chief’s of police it 17 nga munisipalidad agud i-meeting.
Gina patutukan kara ro operasyon it Oplan Double Barrel Reloaded nga paga himuon ro tanan sa legal nga pamaagi ag maipatuman nga owa it gina eabag nga kinamatarung.
Samtang, naga pabilin man nga prayoridad sa gihapon ro isla it Boracay nga mabuhay eon nga may unang security plan sa tuyo nga ma-proteksiyonan ro mga turista kamana man ro mga pumueoyo kara.
Nasayuran nga si Manlapaz anay ro temporaryong magapungko bilang OIC provincial director kasunod it bag-ong assignment ni Police Senior Supt. John Mitchel Jamili nga gin taeana sa makaron sa national headquarters it PNP sa Camp Crame Metro Manila kasunod it anang promotion.
