Chennai, India – Arestado ro waeong katawo sa Inida matapos ro makangiedlis nga pagpatay sa sangka politiko nga nagasukoe sa kinamatarong it nga una sa laylayan.
Ginhatok-hatok it pagbuno ro state boss it Bahujan Samaj Party (BSP) nga si K. Armstrong gamit ro machete ag karit maeapit sa anang ginaistaran sa southern city it Chennai.
An-om ka mga kaeaeakin-an sakay it motorbike ro nag-atake kay Armstrong samtang imaw hay nakikipag-istorya sa anang mga abyan ag taga-suporta maeapit sa anang baeay sa Tamil Nadu state capital.
Insigidang nakapaeagyo ro mga suspek antes pa man nakahimo it pamaagi ro mga tawo.
Nagprotesta sa mga kalye ro mga tagasuporta ni Armstrong para magpangayo it hustisya sa pagpatay.
Suno kay Senior Chennai police officer Asra Garg, waeong suspek ro presenteng nagapaidaeom sa interrogation matapos ro “preliminary investigation”.
Ginkondena mat-a ni Mayawati, national head it BSP ro pag-atake.
Samtang, gin-engganyo ni Tamil Nadu Chief Minister M.K. Stalin ro pulisya nga imbestigahan it husto ro nasambit nga kaso.
