Duda ro sangka grupo it mga manugturo nga maging bastante ro pondo it Department of Education (DepEd) para sa pagpatuman it bilog ro face-to-face classes.
Raya hay para sa ginatan-aw nga pagbalik sa normal it sitwasyon bangud sa nalistang manabang kaso it COVID-19 sa nasyon apisar nga may natumod pang mga bag-ong variant ag subvariant it virus.
Suno sa ginpatigayon nga survey it Movement for Safe, Equitable, Quality and Relevant Education (SEQuRe) Education, Maabot kapin sa 59 asta 83 porsyento it mga manugturo ro nagpahayag nga abonado pa sanda sa mga ginagamit nandang material sa pagturo.
Ginklaro man it DepEd ro pagsumite nanda sa Kongreso may kaangtanan sa kapin sangka trilyong pondo nga kinahangeanon para sa edukasyon para masabat ro mga kinahangean it sektor sa masunod nga an-om nga dag-on sa idaeom it bag-ong administrasyon.
